Iran birleshken döletler teshkilatining yadro herikitini toxtitish telipini yene ret qildi

Iran prézidénti exmedi nijad birleshken döletler teshkilatining yeni xelq'araning iran'gha bolghan yadro herikitini toxtitish telipini yene bir qétim ret qildi.

Seyshenbe küni, iran prézidénti exmedi nijad iranning shimaliy rayonigha jaylashqan gilanda échilghan bir qétimliq yighinda qilghan sözide, peqet bashqa döletler özining uran tawlash herikitini toxtatqandila, andin iranmu toxtitidu - dep bildürdi. U yene iranning meydanini tekitlesh bilen bir waqitta, iranning, yadro mesilisi heqqidiki söhbitini shertsiz eslige keltürüshke her zaman teyyar ikenlikini körsetti.

Bundin ilgiri, birleshken döletler teshkilati irandin 2 ‏- ayning 21 ‏- künigiche bolghan waqit ichide, uran tawlash herikitini toxtitishini telep qilghan. Lékin iran del bu künning yétip kélishidin bir kün burun, öz meydanini bildürüp, b d t ning yadro herikitini toxtitish telipini yene bir qétim ret qildi.

Ötken yilimu iran birleshken döletler teshkilatining bu heqtiki telipige boysunmighan hemde mezkur seweb tüpeylidin, b d t tereptin bérilgen iqtisadiy jazagha duch kelgen. (Méhriban)