Iran prézidénti yadro pilanini dawamlashturidighanliqini jakarlidi

Xelq'ara atom énérgiye idarisi peyshenbe küni b d t gha iran xewpsizlik kéngishining uran tawlashni toxtitish heqqidiki telipige qulaq salmighanliqini uqturghan we shuningdin bir kün ötkendin kéyin, iran prézidénti maxmud exmedi nijat, iranning yadro programmisini dawamliq yolgha qoyidighanliqini jakarlidi.

Exmedi néjat jüme küni iran téléwiziyiside sözqilip, iran gherb ellirining bésimigha tiz püküp, yadro meshghulatini toxtatmaydighanliqini we iranning qarshiliqi aldida gherb ellirining bu telipidin waz kéchidighanliqini bildürdi.

B d t xewpsizlik kéngishining iran'gha bergen uran tawlash meshghulatini toxtitish waqit cheklimisi charshenbe küni toshqan idi. Shu küni xelq'ara atom énérgiye idarisi xewpsizlik kéngishige doklat yollap, iranning uran tawlashni toxtatmighanliqini bildürdi. B d t xewpsizlik kéngishi ötken yili 12 - ayda qarar maqullap, iranning yadro meshghulatini toxtitishigha 60 künlük sürek bergen shundaqla eger yadro meshghulatini toxtatmisa, éghir imbargogha uchraydighanliqini agahlandurghan idi.

Gherb elliri iranning yadro qorallar ishlepchiqirish pilani barliqini eskertsimu, lékin iran yadro meshghulatining éléktir énérgiyisi ishlepchiqirish ikenlikini bildürmekte. Xewerlerge qarighanda xewpsizlik kéngishidiki 5 eza dölet bilen gérmaniye, düshenbe küni londonda iran'gha imbargo qoyush mesilisini muzakire qilishi mumkin. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar