Iran xitayda istratégiyilik néfit zapisi ambiri qurush pilani üstide xitay bilen söhbetleshmekte


2007-06-11
Share

Iran néfit ministiri kazem weziri-hamanehning düshenbe küni ashkarilishiche, gherb elliri iran'gha qarita éghirlitip iqtisadiy jaza qollinish toghrisida muhakime élip bériwatqan peytte, iran néfitlirini xitaygha istratégiyilik ambarlashturush we asiyaning bashqa jaylirida néfit zapisi ambarliri qurush heqqide xitay bilen söhbetleshmekte iken.

Uning bildürüshiche, dunyadiki 4- chong néfit éksport dölitining, dunyadiki ikkinchi chong néfit istimal qilghuchi döletke istratégiyilik néfit ambiri qurush pilani söhbiti dawam etmekte iken.

U malaysiyada échilghan asiya néfit we tebi'iy gaz muhakime yighini jeryanida muxbirlargha mundaq dédi: "bizning pilanimiz bar. Biz xitaygha néfit zapisi ambiri qurush heqqide xitaylar bilen söhbet élip bériwatimiz"

Réytér agéntliqining 11‏- iyundiki xewiride ashkarilishiche, xitaylar hazir jénxey 33 milyon barrilliq tunji néfit ambirini toshquzup bolghan bolup, hazir yene awshendiki 100 milyon barrilliq ikkinchi chong istratégiyilik néfit ambirini 2008-yili may éyigha qeder toshquzup bolidiken.

Kazem weziri-hamanehning éytishiche, iran hazir yene, hindonéziye, sin'gapor süriye we malayshiya qatarliq döletler bilen néfit ayrish zawuti qurush söhbiti élip barmaqta iken. Lékin, u bu söhbetler heqqide tepsili toxtalmighan.(Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet