Iran prézidénti exmedinijat bushqa xet yazdi


2006-05-08
Share

Iran prézdiénti mahmud exmedinijat amérika prézidéinti jorj W bushqa xet yézip, iran yadro mesilisi heqqide yéngi tekliplerni qoyghan. Bu iran rehibirining 27 yildin buyan tunji qétim amérika prézidéntigha xet yézishi hésablinidu.

Bu xewerni iran hökümitining bayanatchisi gholam hüseyin ilham düshenbe küni élan qilghan bolup, shu künde bu xet téhrandiki shiwitsariye elchixanisi arqiliq bushqa yetküzülidiken. Gholam hüseyinning bildürüshiche, iran rehbiri exmedinijat xétide nöwettiki xelq'araliq nazuk weziyet we xelq'ara mesililerni bir terep qilish heqqidiki yéngi tekliplerni otturigha qoyghan.

Muxbirlar bayanatchi gholam hüseyindin bu xetning tepsiliy mezmunini, shundaqla otturigha qoyulghan teklipning amérika bilen iran otturisida biwaste söhbet élip bérish teklipi yaki emeslikini sorighinida, u bu xet ochuq xet bolmighanliqi üchün bu heqtiki melumatlarni bérelmeydighanliqini éytqan.

Téxi buning aldida iran prézidénti exmedinijat yekshenbe küni qattiq teleppuzda söz qilip, eger b d t bixeterlik teshkilati iran'gha jaza qollansa, u halda iranning "xelq'ara yadro kéngeytmeslik shertnamisi" din chékinip chiqidighanliqini tehdit qilghan idi. Nöwette uning ushtumtut bushqa xet yézishi, mutexessislerni iran krizisigha qarita azraq ümidlendürdi. Amérika da'iriliri téxi bu heqte inkas qayturmidi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet