Iran amérikining yadro mesilisi tüpeylidin iran'gha qarshi iqtisadiy jaza yolgha qoyush tehditini tenqid qildi


2006.08.28
Share on WhatsApp
Share on WhatsApp

Düshenbe küni iran amérikining yadro mesilisi tüpeylidin iran'gha qarshi iqtisadiy jaza yolgha qoyush tehditini qattiq tenqid qildi. Amérika hökümiti, eger iran b d t bixeterlik kéngishi teripidin belgiligen 31‏- awghust künigiche uran tawlash pa'aliyitini toxtatmisa, b d t ning qararini kütmeyla iran qarshi iqtisadiy jaza yolgha qoyidighanliqini bildürgen.

Amérikining b d t diki elchisi jon balton bergen bayanatida, amérika hökümitining iran'gha qarshi imbargo yolgha qoyush toghrisida b d t bixeterlik kéngishi ezalirining qollishigha érishidighanliqigha ishinidighanliqini, emma eger bixeterlik kéngishi ezalirini bu heqte qayil qilalmisa, özi bir tereplime heriket qilishqa teyyar ikenlikini tekitligen.

Iran hökümet bayanatchisi ghulam höseyin ilham téhranda muxbirlargha bergen bayanatida, amérika elchisining sözlirini tenqid qilip, bu bayanat hem b d t hem bixeterlik kéngishi üchün bir haqaret hésablinidu. Bu popoza we prinsipsizliktin kélip chiqqan sözler, dédi.

B d t bixeterlik kéngishi iran'gha uran tawlash pa'aliyitini toxtitishi üchün 31‏- awghust künigiche waqit bergen idi. Lékin iran bu mesiliside gherb döletliri bilen jiddiy söhbetke teyyar ikenlikini bildürgen bolsimu, emma uran tawlash pa'aliyitini toxtitish toghrisida téxi éniq bir jawab bermidi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.