Iran xelq'ara jem'iyetning yadro mesilisidiki agahlandurushini mensitmidi


2006.04.13
Share on WhatsApp
Share on WhatsApp

Iran prézidénti maxmud exmedinijad, iranning talash - tartish qozghighan yadro programmisidin waz kechmeydighanliqini jakarlidi. Gerche iran qoyuqlandurulghan uranyum tawlap chiqqanliqini jakarlighandin kéyin xelq'ara jem'iyetning éghir bésimigha duch kelgen bolsimu, lékin exmidinijad, iranning yadro énirgiyisige érishish arzusidin qilchimu waz kechmeydighanliqini bildürdi.

Nöwette b d t atom énérgiye idarisining bashliqi muhemmet el-baradéy, yadro mesilisidiki tirkishishni peseytish üchün téhranni ziyaret qilmaqta. U, "pewqul'adde ishlarning otturigha chiqishidin burun' iranni uranyum tawlashtin waz kéchishke qayil qilishni ümid qilimen " deydu. Gherb döletliri iranning mexpiy yadro qorallar pilani bar, dep guman qilsimu, lékin iran yadro pilanining tinch meqsetler üchün ishlitilidighanliqini bildürmekte.

Prézidént exmedinijad, aldinqi küni iranning muwappeqiyetlik halda qoyuqlandurulghan uranyum tawlighanliqini jakarlighandin kéyin, amérika tashqiy ishlar ministiri kondiliza rayis peyshenbe küni b d t xewpsizlik kéngishining iran'gha qarita jiddiy tedbir qollinishini telep qildi. Rayisning eskertishiche, iran xelq'ara jem'iyetning agahlandurushini mengsitmey kelmekte, eger b d t özining abroyini saqlap qalimen dése, iran'gha qarita jiddiy tedbir qollinishi kérek. Lékin exmedinijad peyshenbe küni " biz iran dölitining hoquqi mesiliside héchkim bilen söhbet ötküzmeymiz we héchkim bizni buningdin waz kéchishke qilchimu mejburlash hoquqigha ige emes " dédi.

Xitay, xewpsizlik kéngishining iran'gha imbargo qoyush pilanini qobul qilmay keldi. Iran uranyum tawlap chiqanliqini jakarlighandin kéyin xitay hökümiti peyshenbe küni yardemchi tashqiy ishlarministiri chüy tyenkeyni téhran'gha yollighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet