Iran da'iriliri chet memliketlerge agahlandurush berdi


2007.09.23
Share on WhatsApp
Share on WhatsApp

Iran islam jumhuriyitining eng aliy diniy rehbiri xameyni shenbe küni téléwiziye nutqi sözlep, chet memliketlerning iran'gha hujum qilishini agahlandurup, bu döletlerning iran'gha hujum qozghisa, éghir aqiwetke qalidighanliqini bildürdi.

Amérika awazi radi'osining tarqatqan bu heqtiki uchurliridin qarighanda, iran prézidénti maxmud exmedi nijat shenbe küni bildürüsh élan qilip, xelq'ara jem'iyetning iran'gha tutqan émbargosining iranning yadro tereqqiyat pilanini tosalmaydighanliqini tekitlidi.

Xewerlerdin qarighanda, shenbe küni téhranda 1980-1988-yilliridiki iran-iraq urushining ghalibiyet bayrimi xatirlinip, namayishlar we herbiy paratlar élip bérilghan bolup, bu paratta iran armiyisi özining eng ilghar qoral -yaraqliri we ikki ming kilométirgha yétidighan bashqurulidighan bombilirini namayish qilghan.

Iranning atom yadro pilani uzundin buyan gherb döletlirining qarshi turushigha uchrap kelmekte. B d t iran'gha nisbeten jazalash tedbirlirini alghan bolsimu, biraq iran uran tawlash pilanidin qet'iy waz kechmeydighanliqini jakarlighan . Buningdin ilgiri amérika terep b d t ning iran' gha nisbeten yene bir qétim bésim körsitish mesilisini muzakire qilghan idi.

Iran atom yadro pilani mesiliside rusiye bilen xitayning qollishigha érishken bolup, bixeterlik kéngishige tewe mezkur ikki dölet iran'gha jaza qollinish mesiliside amérika qatarliq döletler bilen perqliq meydanini ipadilep kelmekte. Yekshenbe küni exmedi nijat niyo yorkqa kélip, b d t yighinigha qatnishidu(ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.