B d t xewpsizlik kéngishidiki döletler iran mesiliside pikir birlikige kélelmidi


2006-05-09
Share

B d t xewpsizlik kéngishige da'imiy eza 5 dölet we gérmaniye tashqi ishlarministirliri seyshenbe küni b d t ning nyu - yorktiki bash shtabida iran yadro pilanini qandaq hel qilish mesilisi boyiche söhbet élip bardi, lékin terepler pikir birlikige kélelmidi.

Amérika emeldarlirining eskertishiche, xewpsizlik kéngishining iran mesilisidiki qarari toghrisida kélishim hasil qilish mumkinchiliki azaymaqta. Emma 6 dölet tashqi ishlar ministirliri iran yadro qorallargha ige bolmasliqi kérek, dégen mesilide pikir birlikige kelgen. Lékin xitay tashqi ishlar ministiri lyu jawshing bilen rusiye tashqi ishlarministiri lawrow xewpsizlik kéngishining nüwettiki qararigha qarshi turdi. Ularning eskertishiche, bu qarar axiri bérip iran'gha herbiy heriket qollinishni keltürüp chiqirishi mümkin.

Amérika terep xewpsizlik kéngishining iran mesilisi boyiche bu hepte ichide kélishim hasil qilish mumkinchiliki qalmidi,dep qarimaqta. Buning sel aldida iran prézidénti exmedinijad prézidént bushqa xet yazghan. Gerche iran da'iriliri exmedinijadning xétini diplomatiye jehettiki bir purset, dep qarighan bolsimu, lékin amérika emeldarlirining eskertishiche, iran prézidéntining xétide yadro pilanini hel qilish mesilisi boyiche konkrét bir teklip otturigha qoyulmighan.

Xitayning b d t da turushluq wekili wang gu'angya, xitay hökümiti d t t ning 7 - maddisini iran'gha ishlitishke qarshi turidighanliqini bildürdi. Iran dölet xewpsizlik komitétining sékritari ali larijani, xitay bilen rusiyining meydanini " riyalistik" pozitsiye, dep maxtighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet