Б д т ирандин уранюм тавлаш мәшғулатини бир ай ичидә тохтитишни тәләп қилди


2006.08.01
Share on WhatsApp
Share on WhatsApp

Б д т хәвпсизлик кеңиши дүшәнбә күни қарар мақуллап, ирандин уранюм мәшғулатини 31 - авғустқичә тохтитишни тәләп қилди. Лекин иран бесимға тиз пүкмәйдиғанлиқини билдүрмәктә.

Б д т қарари хәвпсизлик кеңишидики хитай қатарлиқ 14 дөләтниң қоллиши вә бир дөләтниң қарши туруши билән мақулланған. Қатар, қарар лайиһисигә қарши биләт ташлиған бирдин - бир дөләт. Хитай қарар лайиһисини қоллап аваз бәрди. Лекин хитай билән русийә қарарда имбарго мәсилисини тәпсилий тилға елишқа қарши чиқип, буни әгәр иран хәвпсизлик кеңишиниң қарарини иҗра қилмиса андин ойлишиш керәк, дәп қариған.

Хитай ташқий ишларминистирлиқи баянатчиси лю җйәнчав, " биз хәвпсизлик кеңиши қарариниң елип бериливатқан дипломатик җәрянға ярдәмчи болушини үмид қилимиз" дәйду.

Хәвпсизлик кеңишини қарари бойичә, әгәр иран 31 -авғустқичә уранюм тавлашни тохтатмиса, хәвпсизлик кеңиши иранға б д т низамнамисиниң 41 - бапидики 7 мадда буйичә иқтисади вә дипломатик бесим ишлитидиған "мувапиқ тәдбирләрни" алиду. Хәвпсизлик кеңиши ирандин ядро мәшғулатини тохтитиш тоғрисида қарар мақуллап бир күн кейин, иран атом енергийисигә еришиш һоқуқи барлиқини җакарлиди. Иран президенти махмуд әхмәди нәҗад, сәйшәнбә күни " күч вә тәһдиткә" тиз пүкмәйдиғанлиқини җакарлиған. У, "иранни күч вә тәһдит билән тиз пүктүримиз, дәп ойлиғанлар хаталашмақта " дәйду. Лекин президент буш қарарни "күчлүк агаһландуруш" дәп көрсәтти. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.