B d t irandin uranyum tawlash meshghulatini bir ay ichide toxtitishni telep qildi


2006.08.01
Share on WhatsApp
Share on WhatsApp

B d t xewpsizlik kéngishi düshenbe küni qarar maqullap, irandin uranyum meshghulatini 31 - awghustqiche toxtitishni telep qildi. Lékin iran bésimgha tiz pükmeydighanliqini bildürmekte.

B d t qarari xewpsizlik kéngishidiki xitay qatarliq 14 döletning qollishi we bir döletning qarshi turushi bilen maqullan'ghan. Qatar, qarar layihisige qarshi bilet tashlighan birdin - bir dölet. Xitay qarar layihisini qollap awaz berdi. Lékin xitay bilen rusiye qararda imbargo mesilisini tepsiliy tilgha élishqa qarshi chiqip, buni eger iran xewpsizlik kéngishining qararini ijra qilmisa andin oylishish kérek, dep qarighan.

Xitay tashqiy ishlarministirliqi bayanatchisi lyu jyenchaw, " biz xewpsizlik kéngishi qararining élip bériliwatqan diplomatik jeryan'gha yardemchi bolushini ümid qilimiz" deydu.

Xewpsizlik kéngishini qarari boyiche, eger iran 31 -awghustqiche uranyum tawlashni toxtatmisa, xewpsizlik kéngishi iran'gha b d t nizamnamisining 41 - bapidiki 7 madda buyiche iqtisadi we diplomatik bésim ishlitidighan "muwapiq tedbirlerni" alidu. Xewpsizlik kéngishi irandin yadro meshghulatini toxtitish toghrisida qarar maqullap bir kün kéyin, iran atom énérgiyisige érishish hoquqi barliqini jakarlidi. Iran prézidénti maxmud exmedi nejad, seyshenbe küni " küch we tehditke" tiz pükmeydighanliqini jakarlighan. U, "iranni küch we tehdit bilen tiz püktürimiz, dep oylighanlar xatalashmaqta " deydu. Lékin prézidént bush qararni "küchlük agahlandurush" dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.