ئىراندا سايلام جىددى داۋاملاشماقتا


2005.06.19

ئىراندا ئېلىپ بېرىلغان پرېزىدېنت سايلىمىنىڭ دەسلەپكى نەتىجىسى، ئەڭ يۇقىرى ئاۋازغا ئېرىشكەن ئىككى نامزاتنىڭ قايتا سايلامغا قاتنىشىش شەرتى بىلەن ئاياقلاشتى.

ئەنگىلىيە ب ب س رادىئو - تېلېۋىزىيە شىركىتىنىڭ 19 - ئىيۇن كۈنى بەرگەن خەۋىرىگە قارىغاندا، سابىق پرېزىدېنت ھاشىمى رافسانجانى بىلەن تېھران شەھىرىنىڭ باشلىقى رادىكال دىنچى ماھمۇد ئاھمېدېناجاد 2 - قېتىملىق پرېزىدېنت سايلىمىغا قاتنىشىدىكەن.

سايلامدىن بۇرۇن، كىشىلەر ھاشىمى رافسانجانىنىڭ پرېزىدېنت بولۇپ سايلىنىش ئېھتىماللىقىنىڭ ئىنتايىن چوڭ ئىكەنلىكىنى پەرەز قىلىشقان بولۇپ، ئاھمېدىناجادنىڭ، رافسانجانى بىلەن تەڭ ئورۇندا ئاۋازغا ئېرىشىشىنى ھېچكىم ئويلىمىغان ئىكەن.

سايلامدا 3 - ئورۇنغا ئېرىشكەن، ئىسلاھاتچىلاردىن مەخدى كاروبى، ئۆزىدىن كۆپ ئاۋازغا ئېرىشكەن ماھمۇد ئاھمېدېناجادنىڭ سايلام جەريانىدا كىشىلەرگە پۇل تارقىتىش ئارقىلىق، ئۆزى ئۈچۈن بېلەت تاشلاتقۇزغانلىقىنى بىلدۈرۈپ، تەكشۈرۈش ئېلىپ بېرىشنى تەلەپ قىلغان. ئىككىنچى قېتىملىق سايلام، 6 - ئاينىڭ 24 -كۈنى ئۆتكۈزۈلىدۇ. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.