Иранда сайлам җидди давамлашмақта

Иранда елип берилған президент сайлиминиң дәсләпки нәтиҗиси, әң юқири авазға еришкән икки намзатниң қайта сайламға қатнишиш шәрти билән аяқлашти.

Әнгилийә б б с радио - телевизийә ширкитиниң 19 - июн күни бәргән хәвиригә қариғанда, сабиқ президент һашими рафсанҗани билән теһран шәһириниң башлиқи радикал динчи маһмуд аһмеденаҗад 2 - қетимлиқ президент сайлимиға қатнишидикән.

Сайламдин бурун, кишиләр һашими рафсанҗаниниң президент болуп сайлиниш еһтималлиқиниң интайин чоң икәнликини пәрәз қилишқан болуп, аһмединаҗадниң, рафсанҗани билән тәң орунда авазға еришишини һечким ойлимиған икән.

Сайламда 3 - орунға еришкән, ислаһатчилардин мәхди кароби, өзидин көп авазға еришкән маһмуд аһмеденаҗадниң сайлам җәрянида кишиләргә пул тарқитиш арқилиқ, өзи үчүн беләт ташлатқузғанлиқини билдүрүп, тәкшүрүш елип беришни тәләп қилған. Иккинчи қетимлиқ сайлам, 6 - айниң 24 -күни өткүзүлиду. (Әқидә)