Iranda saylam jiddi dawamlashmaqta

Iranda élip bérilghan prézidént saylimining deslepki netijisi, eng yuqiri awazgha érishken ikki namzatning qayta saylamgha qatnishish sherti bilen ayaqlashti.

En'giliye b b s radi'o - téléwiziye shirkitining 19 - iyun küni bergen xewirige qarighanda, sabiq prézidént hashimi rafsanjani bilen téhran shehirining bashliqi radikal dinchi mahmud ahmédénajad 2 - qétimliq prézidént saylimigha qatnishidiken.

Saylamdin burun, kishiler hashimi rafsanjanining prézidént bolup saylinish éhtimalliqining intayin chong ikenlikini perez qilishqan bolup, ahmédinajadning, rafsanjani bilen teng orunda awazgha érishishini héchkim oylimighan iken.

Saylamda 3 - orun'gha érishken, islahatchilardin mexdi karobi, özidin köp awazgha érishken mahmud ahmédénajadning saylam jeryanida kishilerge pul tarqitish arqiliq, özi üchün bélet tashlatquzghanliqini bildürüp, tekshürüsh élip bérishni telep qilghan. Ikkinchi qétimliq saylam, 6 - ayning 24 -küni ötküzülidu. (Eqide)