Shangxey guruhidiki döletlerning tashqi ishlar ministirliri iran mesilisini muzakire qilidu


2006.05.09
Share on WhatsApp
Share on WhatsApp

Xitay bilen rusiyining yitekchilikidiki shangxey guruhigha eza döletler 15- may küni xitayning shangxey shehiride tashqi ishlar ministirliri yighini chaqirip, iran yadro pilani qatarliq mesililer boyiche muzakire élip baridu.

Xitay tashqiy ishlar ministirliqi bayanatchisi lyu jyenchawning eskertishiche, rusiye,junggo, qazaqisitan, qirghizistan, tajikistan we özbékistan tashqi ishlar ministirlirining küntertipi, shangxey hemkarliq teshkilatining bu yil 6 - ayda chaqirilidighan bashliqlar yighini üstide muzakire élip bérishni öz ichige alidiken.

Lyu jyenchaw seyshenbe küni muxbirlargha "bu döletlerning tashqi ishlar ministirliri terepler ortaq köngül bölidighan rayon xaraktérlik we xelq'ara mesililerde öz ara pikir almashturush we hemkarliqini qandaq qilip téximu chongqurlashturush boyiche söhbet élip baridu " dédi.

Lyu jyenchawning eskertishiche, eger terepler qoshulsa iran mesilisi üstide muzakire élip bérishqa bolidiken. Iran shangxey hemkarliq teshkilatining közetküchi ezasi. Lékin lyu jyenchaw, bu qétimqi yighin'gha iran tashqi ishlar ministiri manuchéhir mattaqining qatnishidighan yaki qatnashmaydighanliqini ashkarilashni ret qildi.

Lyu jyenchawning eskertishiche, bu arida rusiye tashqi ishlar ministiri sérgéy lawrow béyjingda tashqi ishlar ministiri li jawshing we xitayning yuqiri derijilik emeldarliri bilen söhbet élip baridiken. Rusiye bilen xitay iranni yadro pilanidin waz kechtürüsh mesiliside amérikining teklipige qarshi chiqmaqta. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.