Iran jasusluq qilmishi bilen eyiblinip solaqta turuwatqan ikki neper xitayni qoyup berdi


2007.08.20
Share on WhatsApp
Share on WhatsApp

Xitay tashqi ishlar ministirlikining bildürüshiche qarighanda, 20- awghust düshenbe küni, iran saqchi terep jasusluq qilmishi bilen eyiblinip qolgha élin'ghan ikki neper xitay puqrasini qoyup bergen.

Bu xitay puqraliri, aldinqi ayda irandiki herbiy yadro eslihelirini süretke éliwatqanda qolgha chüshken we jasusluq qilmish bilen eyiblinip iranda solaqta turuwatqan idi.

Xitay tashqi ishlar ministirlikining bayanatigha qarighanda, mezkur xitay puqraliri, iranda qurulush qiliwatqan xitay shirkitige tewe bolup, ular xojayinlarning yer ölchesh meshghulatigha yardemlishish jeryanida, xata halda bezi nazuk mesililerge bérip taqilidighan binalarning resimini tartip salghan iken.

Melum bolushiche, xitayning iranda turushluq elchixanisi, iranda yashawatqan xitay puqralirigha, xata chüshenche bérip qoyushtin saqlinish üchün, soz-heriketlerge bek diqqet qilish toghrisida agahlandurush bergen.

Iran xelq'araning bésimigha qarimay oran qoyuldurush ishlirini toxtatmighanliqi üchün birleshken döletler teshkilati iran'gha qarta yenimu éghirlitip iqtisadi jaza qollinishni oylishiwatidu. Xitay bolsa birleshken döletler teshkilatidiki iran'gha iqtisadi jaza qollinishni oylishiwatqan 6 chong döletning biri bolup, qalghanliri, amérika qoshma shtatliri, en'gliye, fransiye, rusiye we gérmaniye qatarliq döletlerdin teshkil tapqan.

Emma iran özi tereqqiy qilduruwatqan yadro téxnikisining peqet énérgiye hasil qilishni meqset qilghan bolup, eksiche atom bomba yasash muddi'asi yoqluqida ching turup kelmekte.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.