Xitay, rusiyining iran'gha qaratqan yadro pilanini qollaydighanliqini bildürdi

Xitay da'iriliri, rusiyining iran'gha rusiye zéminida oraniyum tawlash pursiti yaritip bérish pilanini qollaydighanliqini bildürüp "bu pilan iran yadro mesilisi tüpeyli mürekkepliship kétiwatqan weziyetni yaxshilaydu" dep körsetti.

En'gliye b b s radi'o ‏- téléwiziye shirkiti 26‏- yanwar küni xitay tashqi ishlar ministirliqining bayanatchisining sözini neqil keltürüp, "béyjingbu mesilini hel qilish üchün zor tirishchanliq körsitiwatidu" dédi.

Bu arida xitay terep, iranning yadro pilani boyiche yuqiri derijilik emeldari larijanining, jüme küni rusiyidin ayrilip béyjinggha kélip, xitay tashqi ishlar ministiri li jawshing bilen, iran yadro messilisi üstide muzakire élip baridighanliqini bildürdi.

Amérika we yawrupa döletliri, iran yadro mesilisining b d t ning bixeterlik kéngishige tapshurulushini we iran'gha qarita imbargo yürgüzüshni teshebbüs qiliwatqan bolup, biraq xitay buninggha qarshi turup kelgen idi.

Amérika da'iriliri yene, iranning yadro qorallirini tereqqi qildurushi, xitayning ottura sherq döletliridin néfit import qilish ishlirigha ziyanliq dep körsetmekte. (Eqide)