Кондализа райис иранниң ядро һәрикитигә қаттиқ тәдбир қоллинишни тәкитлиди


2006.03.27
Share on WhatsApp
Share on WhatsApp

Америка ташқи ишлар министири кондализа райис, америка вә русийә һөкүмәт хадимлириниң өткән һәптә ахирида иранниң ядро программисиға қандақ қарши туруш мәсилиси үстидә сөһбәтләшкәнликини билдүрди.

Кондализа райис йәкшәнбә күни бәргән баянатида, иран дуня җамаәтчиликиниң ирадисигә қарши һәрикәт қилмақта. Хәлқара җәмийәт буниңға бирдәк қарши туруши керәк, деди.

Иранниң ядро мәсилси б д т бихәтәрлик кеңишигә сунулди. Әмма бихәтәрлик кеңиши америкиниң иранға қарши қандақ чарә - тәдбир қоллиниш мәсилисидә техи бирликкә келәлмиди. Америка, әнгилийә вә франсийә қатарлиқ дөләтләр иранға қарши қаттиқ тәдбир қоллиниш керәкликини оттуриға қоймақта. Лекин русийә вә хитай буниңға қарши чиқмақта.

Америка ташқи ишлар министири кондализа райис йәкшәнбә күнидики баянатида, иран ядро мәсилисидә америка билән русийиниң охшаш көз қарашта икәнликини, русийиниңму иранниң ядро қоралға игә болушини халимайдиғанлиқини билдүрди.

Әмма иранниң диний рәһбири айәтулла әли хамәний иран телиевизорида бәргән баянатида, иранниң ядро программисини тохтитиш тоғрисида чәт дөләтләрниң бесимиға қәти боюн әгмәйдиғанлиқини тәкитлиди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт