Kondaliza rayis iranning yadro herikitige qattiq tedbir qollinishni tekitlidi


2006.03.27

Amérika tashqi ishlar ministiri kondaliza rayis, amérika we rusiye hökümet xadimlirining ötken hepte axirida iranning yadro programmisigha qandaq qarshi turush mesilisi üstide söhbetleshkenlikini bildürdi.

Kondaliza rayis yekshenbe küni bergen bayanatida, iran dunya jama'etchilikining iradisige qarshi heriket qilmaqta. Xelq'ara jem'iyet buninggha birdek qarshi turushi kérek, dédi.

Iranning yadro mesilsi b d t bixeterlik kéngishige sunuldi. Emma bixeterlik kéngishi amérikining iran'gha qarshi qandaq chare - tedbir qollinish mesiliside téxi birlikke kélelmidi. Amérika, en'giliye we fransiye qatarliq döletler iran'gha qarshi qattiq tedbir qollinish kéreklikini otturigha qoymaqta. Lékin rusiye we xitay buninggha qarshi chiqmaqta.

Amérika tashqi ishlar ministiri kondaliza rayis yekshenbe künidiki bayanatida, iran yadro mesiliside amérika bilen rusiyining oxshash köz qarashta ikenlikini, rusiyiningmu iranning yadro qoralgha ige bolushini xalimaydighanliqini bildürdi.

Emma iranning diniy rehbiri ayetulla eli xameniy iran téli'éwizorida bergen bayanatida, iranning yadro programmisini toxtitish toghrisida chet döletlerning bésimigha qet'i boyun egmeydighanliqini tekitlidi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.