Xitay iran yadro mesilisining söhbet arqiliq bir terep qilinishini xalaydiken


2006.09.05
Share on WhatsApp
Share on WhatsApp

Xitay hökümiti seyshenbe küni, dunyadiki chong döletlerning iran yadro mesilisini söhbet arqiliq bir terep qilishini xalaydighanliqini bildürdi.

Xitay tashqi ishlar ministirliqining bayanatchisi chin gang béyjingda muxbirlargha bergen bayanatida, biz dawamliq iran yadro mesilisining söhbet we di'alog arqiliq bir terep qilinishi kéreklikini tekitlep kéliwatimiz, dégen. Bu xitay hökümitining b d t teripidin békitilgen 31‏- awghust möhliti ötüp ketkendin kéyin, iran yadro mesiliside bergen tunji ochuq bayanati hésablinidu.

Köpchilikke melum bolghandek, b d t bixeterlik kéngishi iran'gha uran tawlashni toxtitishi üchün 31‏- awghust künigiche möhlet bergen idi. Lékin iran rehberliri iranning yadro téxnikisigha ige bolush hoquqi barliqini tekitlep, bixeterlik kéngishi teripidin bérilgen möhletke qarimay, uran tawlash pa'aliyitini dawamlashturidighanliqini jakarlidi.

Iranning bu herikitige qarita, amérika we gherb döletliri, b d t bixeterlik kéngishining iran'gha qarshi imbargo yolgha qoyushi kéreklikini bildürmekte.

Amérika tashqi ishlar ministirliqining bayanatchisi sén makkorning seyshenbe küni washin'gtonda bergen bayanatida, b d t bixeterlik kéngishining iran'gha uran tawlash pa'aliyitini toxtitishi üchün 31‏- awghust künigiche möhlet bergenlikini, iran bu qararni qobul qilmighanliqi üchün emdi iran'gha qarshi imbargo yolgha qoyushi kéreklikini bildürdi.

Lékin xitay we rusiyining pozitisiyisi, b d t bixeterlik kéngishige iran'gha qarshi imbargo yolgha qoyush qararining qobul qilinishini qiyinlashturmaqta. Bezi mutexessislerning éytishiche, iran xitay we rusiyining pozitsiyini burunla bilgenliki üchün bixeterlik kéngishi teripidin uran tawlash pa'aliyitini toxtitish toghrisida bérilgen möhletke pisent qilmighan. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.