Ирақ сақчилири нәҗәфтики имам әли мәқбәрисигә кирди


2004.08.20
Share on WhatsApp
Share on WhatsApp

Ирақниң нәҗәф шәһиридики имам әли мәқбәрисини игиливалған муқтада әл садирға садиқ қораллиқ күчләр мәқбәридин чекинди.

Ирақ ички ишлар министирлики, ирақ сақчи қисимлири вә шиә диний даириләрниң нәҗәфтики имам әли мәқбәрисини өткүзүвалғанлиқини җакарлиди. Нөвәттә шийиләрниң муқәддәс җайи болған имам әли мәқбәрисини ирақ һөкүмәт даирилири контроллиқиға алған.

Ирақ ички ишлар министирликиниң баянатчиси, имам әли мәсчитидики 500 дәк қораллиқ кишиниң тәслим болғанлиқини билдүрди. Имам әли мәқбәрисини ирақ даирилириниң өткүзивалғанлиқи, мәқбәридики муқтада әл садирға садиқ қораллиқ күчләр билән америка қошуни вә ирақ қисимлири оттурисидики икки һәптилик тоқунишниң ахирлашқанлиқидин дерәк бериду дәп қаралмақта. Шийиләрниң диний рәһбири муқтада әл садирниң баянатчиси, мәқбәриниң ачқучини диний даириләргә өткүзүп бәргәнликини билдүргән.

Икки тәрәп оттурисидики тоқунушниң тохтиғанлиқи илгири сүрүлмәктә. Муқтада әл садирниң вәкиллири билән шийиләрниң чоң аятуллаһси али сестаниниң вәкиллири елип барған сөһбәтниң нәтиҗисидә, мәқбәрини өткүзүп бериш бойичә келишим һасил қилған. Келишимдин бурун америка қисимлири түнугүн кечичә нәҗәфтики нишанларни бомбардиман қилғанти. Хәвәрләргә қариғанда ахирқи 24 саәт ичидә нәҗәфтә аз дигәндә 77 адәм өлгән.(Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт