Iraqta toqunush yene dawamlashmaqta

Amérika eskerliri bilen iraq eskerliri, iraqning nejef shehiridiki imam eli meqberisini qorshaw astigha aldi .

20 Kündin buyan, shi'e musulmanliri imam eli meqberisini qamal qilip, bu yerdin ayrilishni ret qilip kelmekte, biraq iraq eskerliri imam eli meqberisige yéqinliship, el sadir himayichilirining derhal bu yerdin ayrilishini, bolmisa hujumgha uchraydighanliqini agahlandurghan idi .

24 - Awghust küni etigen, qarshiliq körsetküchi qoralliq küchler,iraq muhit bashqurush ministiri we ma'arip ministirining mashina etritige hujum qilghan gerche ikki ministir hayat qalghan bolsimu, hujum jeryanida 5 adem ölgen .

Iraqtiki jiddi weziyet yenila dawamlishiwatqan bolup, qarshiliq körsetküchi qoralliq küchler her yerde hujum heriketliri élip barmaqta, tutush buyruqi chiqirilghan elqa'ide téroristliridin zerkawéygha munasiwetlik teshkilatlar, muhit ministiri we ma'arip ministirining mashina etritige hujum qilghanliqini bildürüp, kéyinki hujumda choqum nishanni yoqitidighanliqini bildürgen. (Eqide)