Ирақниң вақтлиқ парламент әзалири қәсәм ичип вәзипә тапшуривалди


2004.09.01
Share on WhatsApp
Share on WhatsApp

Гәрчә ирақта арқа-арқидин партлашлар йүз бериватқан болсиму, ирақ вақитлиқ парламентиниң әзалири чаршәнбә күни қәсәм ичип вәзипә тапшурувелиш мурасимиға қатнашти.

Франсийә ахбарат агентлиқиниң хәвиригә қариғанда, 100 нәпәр парламент әзалири ирақтики бихәтәр “ йешил район” ичидә биринчи нөвәтлик йиғинини ечиватқан мәзгилдә, бу йәрдин анчә йирақ болмиған җайда бир партлаш йүз берип, бир киши қаза тапқан.

Чаршәнбә күнидики вақитлиқ парламент мурасимиға йәнә, курд вәкиллири, сүнний вә шиә мусулманлири вәкиллириму қатнашқан болуп, вақитлиқ парламентниң вәзиписи, келәр йили йил бешидики президент сайлимидин бурун вақитлиқ һөкүмәткә тәләп вә пикир сунуш болидикән.

Хәвәрдә илгири сүрилишичә йәнә, парламент әзалири кәлгүсидики бир нәччә ай ичидә, бихәтәрлик, ташқи ишлар, иқтисад, мәдәнийәт вә маарип қатарлиқ охшимиған саһәләргә мәсул болидиған комметитларни тәсис қилидикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.