Ирақта гөрүгә елинған түркийилик тутқунлар өлтүрилди


2004.09.03
Share on WhatsApp
Share on WhatsApp

Қатардики әл җәзирә телевизийиси, ирақтики қораллиқ унсурлар тәрипидин гөрүгә елинған түркийилик 3 нәпәр тутқунниң гөрүчиләр тәрипидин өлтүрүлгәнликини хәвәр қилди.

Әл - қаидә билән мунасивәтлик дәп қаралған қораллиқ унсурлар, түркләрниң өлтүрүлгән чағдики нәқ мәйдан син алғу көрүнүшини әл - җәзирә телевизийә истансисиға әвәтип бәргән. Буниңдин сәл илгири ирақ сақчилири икки түркниң җәситини байқиған иди. Салаһийити намәлум болған йәнә бир җәсәт, ирақниң шималидики самарра шәһири әтрапидин тепилған. Гөрүдики түркләр абу мусад зәрқави йетәкчиликидики тәвһид вә җиһад дәп аталған бир тәшкилат тәрипидин өлтүрүлгәнлики илгири сүрүлмәктә.

Бу арида ирақтики қораллиқ унсурлар тәрипидин гөрүгә елинған франсийилик мухбирларниниң һазирғичә һаят икәнлики ениқланди. Уларниң қоюп берилиш үмити туғулған, франсийә ташқи ишлар министири, қораллиқ унсурларниң мухбирларни оттура шәрқтики өктичи бир ислам тәшкилатиға өткүзүп бәргәнликини билдүргән . Гөрүгә алғучилар, франсийә һөкүмитидин мусулман қизларниң лечәк вә чүмбәл тартип синипқа киришини мәни қилиш қанунини әмәлдин қалдурушни тәләп қилған иди. Франсийә һөкүмити йеқинда қануни чиқирип, христиан оқуғучиларниң крест бәлгиси, йәһудийларниң доппа кийип синипқа киришиниму чәклигән.(Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт