Iraqta görüge élin'ghan türkiyilik tutqunlar öltürildi
2004.09.03
Qatardiki el jezire téléwiziyisi, iraqtiki qoralliq unsurlar teripidin görüge élin'ghan türkiyilik 3 neper tutqunning görüchiler teripidin öltürülgenlikini xewer qildi.
El - qa'ide bilen munasiwetlik dep qaralghan qoralliq unsurlar, türklerning öltürülgen chaghdiki neq meydan sin alghu körünüshini el - jezire téléwiziye istansisigha ewetip bergen. Buningdin sel ilgiri iraq saqchiliri ikki türkning jesitini bayqighan idi. Salahiyiti namelum bolghan yene bir jeset, iraqning shimalidiki samarra shehiri etrapidin tépilghan. Görüdiki türkler abu musad zerqawi yétekchilikidiki tewhid we jihad dep atalghan bir teshkilat teripidin öltürülgenliki ilgiri sürülmekte.
Bu arida iraqtiki qoralliq unsurlar teripidin görüge élin'ghan fransiyilik muxbirlarnining hazirghiche hayat ikenliki éniqlandi. Ularning qoyup bérilish ümiti tughulghan, fransiye tashqi ishlar ministiri, qoralliq unsurlarning muxbirlarni ottura sherqtiki öktichi bir islam teshkilatigha ötküzüp bergenlikini bildürgen . Görüge alghuchilar, fransiye hökümitidin musulman qizlarning léchek we chümbel tartip sinipqa kirishini men'i qilish qanunini emeldin qaldurushni telep qilghan idi. Fransiye hökümiti yéqinda qanuni chiqirip, xristi'an oqughuchilarning krést belgisi, yehudiylarning doppa kiyip sinipqa kirishinimu chekligen.(Erkin)
Köp körülgen xewerler
RFA
- Uyghur mejburiy emgek mesilisi jenwede bashlan'ghan b d t “Soda we kishilik hoquq munbiri” ning muhim témisi boldi
- “Xitay mustemlikichiliki we Uyghur rayoni” témisidiki yighinda otturigha qoyulghan pikirler
- Jenwediki b d t yighinida xitay wekilliri yighin meydanini tashlap chiqip ketken
- Piragada chaqirilghan “Xitay mustemlikichiliki we Uyghur rayoni” témisidiki xelq'araliq yighin muweppeqiyetlik dawamlashti
- Ayyüje türkesh tash xanim: “Türkiyening ürümchide konsulxana échishi shert”