سابىق ئىراق دىكتاتورىنىڭ ياردەمچىسى ئىززەت ئىبراھىم ئەل دورى قولغا چۈشتى

ئىراق دۆلەت مۇداپىئە مىنىستىرلىكىنىڭ يەكشەنبە كۈنى ئاشكارلىشىچە ، سابىق ئىراق دىكتاتۇرى ساددام ھۈسسەيىننىڭ مۇئاۋىنى ئىززەت ئىبراھىم ئەل دورى ئەسىرگە ئېلىنغان.

ئىراق دائىرىلىرى ، ئەل دورىنى قولغا چۈشۈرۈش ھەرىكىتىدىكى توقۇنۇشتا 70 دەك ئادەمنىڭ ئۆلگەنلىكىنى بىلدۈرمەكتە . ئىراق دۆلەت مۇداپىئە مىنىستىرلىكى ، ئەل دورىنىڭ ئىراق مىللىي ئامانلىق قىسىملىرى بىلەن ئامېرىكا ئەسكەرلىرى بىرگە ئېلىپ بارغان تېكرىتتىكى بىر ھەرىكەتتە قولغا چۈشكەنلىكىنى ئېلان قىلدى . ئىززەت ئىبراھىم ئەل دورى ، سابىق ئىراق دىكتاتۇرى ساددام ھۈسسەيىننىڭ ئەڭ يۇقىرى دەرىجىلىك ياردەمچىسى بولۇپ ، ساددام ھۈسسەيىن ھاكىمىيىتى ئاغدۇرۇلغاندىن بېرى ھازىرغىچە قولغا چۈشمىگەن سابىق ئىراق ھۆكۈمىتىنىڭ ئەڭ يۇقىرى دەرىجىلىك ئەمەلدارى .

ئىراق ئىچكى ئىشلار مىنىستىرلىكى ، ئىككى تەرەپ ئوتتۇرىسىدىكى توقۇنۇشتا دەك 70 ئادەمنىڭ ئۆلگەنلىكىنى ، ئەل دورىنىڭ قوللىغىچىلىرىدىن 80 كىشىنىڭ ئەسىرگە ئېلىنغانلىقىنى ئېلان قىلدى . ئامېرىكا دائىرىلىرىنى ، ئەل دورىنى ئىراقتىكى ئىتتىپاقداش كۈچلەرگە قارشىلىق كۆرسىتىش ھەرىكىتىنىڭ ئارقىسىدىكى ئاچقۇچلۇق شەخس دەپ قارىماقتا ئىدى . بۇ يىل 62 ياشقا كىرگەن ئەل دورى ساددام ھۈسسەيىننىڭ ئۆمرىدىكى ئەڭ يېقىن دوستى بولغان, شۇنداقلا ئىراق ئىنقىلابى كومېتىتىنىڭ مۇئاۋىن رەئىسلىك ۋەزىپىسىنى ئۆتىگەن . ئەل دورى ئامېرىكا قىسىملىرى تەرىپىدىن تۇتۇش بۇيرۇقى چىقىرىلغان تىزىملىكتىكى 6 - كىشى بولۇپ , تىزىملىكتىكى ئالدىنقى بەش ھەممىسى ئامېرىكا قىسىملىرى تەرىپىدىن ئەسىرگە ئېلىنغان ياكى ئۆلتۈرۈلگەن ئىدى.(ئەركىن)