Sabiq iraq diktatorining yardemchisi izzet ibrahim el dori qolgha chüshti


2004.09.05

Iraq dölet mudapi'e ministirlikining yekshenbe küni ashkarlishiche , sabiq iraq diktaturi saddam hüsseyinning mu'awini izzet ibrahim el dori esirge élin'ghan.

Iraq da'iriliri , el dorini qolgha chüshürüsh herikitidiki toqunushta 70 dek ademning ölgenlikini bildürmekte . Iraq dölet mudapi'e ministirliki , el dorining iraq milliy amanliq qisimliri bilen amérika eskerliri birge élip barghan tékrittiki bir herikette qolgha chüshkenlikini élan qildi . Izzet ibrahim el dori , sabiq iraq diktaturi saddam hüsseyinning eng yuqiri derijilik yardemchisi bolup , saddam hüsseyin hakimiyiti aghdurulghandin béri hazirghiche qolgha chüshmigen sabiq iraq hökümitining eng yuqiri derijilik emeldari .

Iraq ichki ishlar ministirliki , ikki terep otturisidiki toqunushta dek 70 ademning ölgenlikini , el dorining qollighichiliridin 80 kishining esirge élin'ghanliqini élan qildi . Amérika da'irilirini , el dorini iraqtiki ittipaqdash küchlerge qarshiliq körsitish herikitining arqisidiki achquchluq shexs dep qarimaqta idi . Bu yil 62 yashqa kirgen el dori saddam hüsseyinning ömridiki eng yéqin dosti bolghan, shundaqla iraq inqilabi kométitining mu'awin re'islik wezipisini ötigen . El dori amérika qisimliri teripidin tutush buyruqi chiqirilghan tizimliktiki 6 - kishi bolup , tizimliktiki aldinqi besh hemmisi amérika qisimliri teripidin esirge élin'ghan yaki öltürülgen idi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.