Ирақта америка әскәрлири билән қораллиқ күчләр тоқунуши давамлашмақта


2004-09-07
Share

Бағдад шәһиридә, америка әскәрлири билән шиә мәзһипидики қораллиқ кишиләр оттурисида қаттиқ тоқунуш йүз берип, 30 нәччә ирақлиқ билән бир нәпәр америка әскири һаятидин айрилди .

Америка тәрәп, сәйшәнбә күни америка әскәрлириниң әлсадир районида һуҗумға учриғанлиқини, тоқунушниң һазирға қәдәр давамлишиватқанлиқини билдүрди, бу арида бағдад шәһириниң башлиқи һуҗумға учриған болсиму қоғдиғучилириниң һимайисидә аман қалған, бирақ мусулдики ненивей өлкә башлиқиниң 19 яшлиқ оғли өлтүрвитилгән .

Буниңдин сирт йәнә тутуш буйруқи чиқирилған әл-қавей террорлуқ тәшкилати, ислам тор бәтлириниң биридә хәвәр елан қилип, фалуҗаһда өлтүрүлгән 7 америка әскириниң өзлири тәрипидин өлтүрүлгәнликини җакарлиған .

Ирақта, қораллиқ қаршилиқ көрсәткүчи күчләр америка әскәрлири билән болған тоқунушлирини давамлашмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт