Iraqtiki qarshilashquchi küchlerning heriketliri kücheymekte

Iraqtiki omomiy saylamning yéqinlishishigha egiship, qarshilashquchi küchlerning iraq bixeterlik qisimlirigha qarshi heriketliri küchiyishke bashlidi. Düshenbe küni öktichi küchlerning musul , faluja we baghdat shehirining etrapida qozghighan hojumlirida az digende iraq amanliq küchlirining sekkiz neper xadimi ölgen.

Amérika s n n xewer torining xewirige qarighanda,qarshilashquchi küchler faluja shehiridiki bir tekshürüsh ponkitida özini öltüriwélish xaraktérlik mashina partlitish weqesini sadir qilip, iraq amanliq küchlirining töt xadimini öltürgen. Musulda yüz bergen mashina partlash weqeside iraq amanliq küchlirining üch adimi ölgen, yette adem yarilan'ghan.

Qarshilashquchi küchler iraq amanliq küchlirige qarshi heriketlerni kücheytiwatqan bir peytte, amérika armiyisi düshenbe küni baghdat shehirining shiye musulmanlirining radikal rehbiri muqtada el-sadir kontrolluqidiki rayunlirigha hojum qilghan. Burayundiki doxturxana da'irilirining bildürishiche, hojumda besh adem ölgen, 40 nechche adem yarilan'ghan.

Amérika herbiy da'iriliri iraqta kiler yili 1 - ayda élip bérilidighan omomiy saylamning harpisida zorawanliq heriketlirining téximu ewj élishi momkinlikini bildürmekte.

Bu arida,amérika tashqi ishlar ministiri kolin pawil, iraqtiki qarilashquchi küchlerning dimokratik tüzümning qurulushigha tosqunluq qilishqa uruniwatqanliqini bildürdi hemde amérikining iraqtiki saylamdin burun, qarshilashquchi küchlerning kontrolluqidiki faluja qatarliq sheherlerge keng kölemlik hojum qozghaydighanliqini körsetti. (Arzu)