ئىراقتا پارتلاش ۋەقەلىرى داۋاملىق يۈز بەرمەكتە


2004-10-04
Share

ئىراقنىڭ پايتەختى باغداد ۋە شىمالىدىكى شەھەر مۇسۇلدا دۈشەنبە كۈنى ئارقا- ئارقىدىن پارتلاش يۈز بېرىپ، ئاز دېگەندە 17 ئادەمنىڭ ئۆلۈشى ۋە يۈزگە يېقىن ئادەمنىڭ يارىلىنىشىنى كەلتۈرۈپ چىقاردى.

رويتىرس ئاخبارات ئاگېنتلىقىنىڭ خەۋىرىگە قارىغاندا، 14 ئادەم دۈشەنبە كۈنى باغدادتا يۈز بەرگەن ئىككى قېتىملىق ماشىنا پارتلاش ۋەقەسىدە ئۆلگەن. تۇنجى قېتىملىق پارتلاش ئىراق دۆلەت ئامانلىقنى قوغداش قىسىمىغا تىزىملىتىش پونكىتىنىڭ ئەتراپىدا يۈز بەرگەن. ئىككىنچى قېتىملىق پارتلاش بولسا، مېھمانخانىلار رايونىدا يۈز بەرگەن بولۇپ، پارتلاشتا ئالتە ئادەم ئۆلگەن.

مۇسۇلدىكى يەرلىك ئەمەلدارلار، مۇسۇل شەھىرىدىكى پارتلاشتا ئاز دېگەندە ئۈچ ئادەمنىڭ ئۆلگەنلىكىنى، بۇنىڭ ئىچىدىكى ئىككى كىشىنىڭ پارتلىتىشنى سادىر قىلغان كىشىلەر ئىكەنلىكىنى بىلدۈرگەن. ئۇلارنىڭ ماشىنىسىدىكى بومبا مۇددەتتىن بۇرۇن پارتلاپ كەتكەن.

ئىراقتا ئومۇمىي سايلامنىڭ يېقىنلىشىشى بىلەن ھەر خىل زوراۋانلىق ھەرىكەتلەر ئەۋج ئالغان بولۇپ، دۈشەنبە كۈنى ئىراقتىكى ساقچىلارنىڭ بىر قوماندانى باغداد شەھىرى ئەتراپىدا قەستلەپ ئۆلتۈرۈلگەن. بۇنىڭدىن سىرت، ئامېرىكا ئارمىيىسى مۇقتادا ئەل سادىر باشچىلىقىدىكى رادىكال شىئە مۇسۇلمانلىرى ئىگىلىگەن فالۇجا شەھىرىگە ھاۋادىن ھۇجۇم قىلغان. بومباردىماندا يەتتە ئادەم ئۆلگەن. ئامېرىكا ئارمىيە دائىرىلىرى، بۇ قېتىمقى بومباردىماندا قارشىلاشقۇچى كۈچلەر ئىشلىتىۋاتقان ئىككى بىنانىڭ نىشان قىلىنغانلىقىنى بىلدۈرمەكتە. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت