Америка тәкшүргүчиси ирақниң ядро қоралларға игә әмәсликини билдүрди


2004-10-07
Share

Америкиниң ирақтики баш қорал тәкшүргүчиси чарлиз долфер америка дөләт мәҗлисигә ахирқи доклатини сунуп, ирақниң сабиқ президенти садам һөсәйинниң америка башчилиқидики һәрбий һәрикәт башлинишниң алдида, кәң көләмдә йоқитиш характерлиқ қоралларға игә әмәсликини билдүрди.

Чарлиз долферниң чаршәнбә күни америка дөләт мәҗлиси кеңәш палатасиниң бир комитетиға билдүрүшичә, 1991 - йилидики парс қолтуқи урушидин кийин, садам һөсәйин һакимийитиниң ядро вә биологийилик қоралларни тәрәққий қилдуруш иқтидари аҗизлап кәткән.

Америка президенти җорҗ буш ирақниң кәң көләмдә йоқитиш характерлик қоралларға игә икәнликини, өткән йили 3 - айда ираққа қошун чиқиришниң асаслиқ сәвәби қилип көрсәткән иди. Ирақтики америка қорал тәкшүрүш гурупписиниң мәзкур доклати, ирақ урушини қозғашқа америкиниң йетәрлик асаси барму дегән мәсилидики талаш -тартишларни техиму җиддиләштүрди.

Әмма америкиниң ирақтики қорал тәкшүрүш өмикиниң башлиқи чарлиз долфер йәнә, гәрчә садам һөсәйин уруш башлаш алдида һечқандақ чәкләнгән қоралларға игә әмәс болсиму, бирақ б д т ниң бу һәқтики чәклимиси бикар қилинсила, униң йәнила бир тәһдит икәнликини һәмдә ядро қорал программисини қайтидин башлашқа урунуши мумкинликини билдүргән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт