Amérika tekshürgüchisi iraqning yadro qorallargha ige emeslikini bildürdi
2004.10.07
Amérikining iraqtiki bash qoral tekshürgüchisi charliz dolfér amérika dölet mejlisige axirqi doklatini sunup, iraqning sabiq prézidénti sadam höseyinning amérika bashchiliqidiki herbiy heriket bashlinishning aldida, keng kölemde yoqitish xaraktérliq qorallargha ige emeslikini bildürdi.
Charliz dolférning charshenbe küni amérika dölet mejlisi kéngesh palatasining bir komitétigha bildürüshiche, 1991 - yilidiki pars qoltuqi urushidin kiyin, sadam höseyin hakimiyitining yadro we bi'ologiyilik qorallarni tereqqiy qildurush iqtidari ajizlap ketken.
Amérika prézidénti jorj bush iraqning keng kölemde yoqitish xaraktérlik qorallargha ige ikenlikini, ötken yili 3 - ayda iraqqa qoshun chiqirishning asasliq sewebi qilip körsetken idi. Iraqtiki amérika qoral tekshürüsh guruppisining mezkur doklati, iraq urushini qozghashqa amérikining yéterlik asasi barmu dégen mesilidiki talash -tartishlarni téximu jiddileshtürdi.
Emma amérikining iraqtiki qoral tekshürüsh ömikining bashliqi charliz dolfér yene, gerche sadam höseyin urush bashlash aldida héchqandaq cheklen'gen qorallargha ige emes bolsimu, biraq b d t ning bu heqtiki cheklimisi bikar qilinsila, uning yenila bir tehdit ikenlikini hemde yadro qoral programmisini qaytidin bashlashqa urunushi mumkinlikini bildürgen. (Arzu)
Munasiwetlik maqalilar
- Iraqta partlash weqeliri dawamliq yüz bermekte
- Amérika xitayning yette shirkitige iqtisadi jaza yürgüzdi
- Baghdat shehiride arqa-arqidin partlash yüz berdi
- Iraqtiki qarshilashquchi küchlerning heriketliri kücheymekte
- Iraqta toqunush dawamlashmaqta
- Shimali koriye yadro qorallardin waz kechmeydighanliqini jakarlidi
- Baghdadta yene partlitish weqesi yüz berdi
- Iraqta partlash weqesi yüz bérip, 47 adem hayatidin ayrildi
- Iraqta amérika eskerliri bilen qoralliq küchler toqunushi dawamlashmaqta
- Sabiq iraq diktatorining yardemchisi izzet ibrahim el dori qolgha chüshti