Baghdadta partlash yüz bérip besh ademning ölüshini keltürüp chiqardi

Amrékida pérzidént saylimi boliwatqan bir künde iraqning paytexti baghdad shehiridiki ma'arip ministirliqigha yéqin jayda, mashina partlitish weqesi yüz bérip,besh ademning ölüshige we nurghun ademning yarilinishigha seweb boldi.

Roytirt axbarat agéntliqining xewiride bu qétimqi partlashta ölgüchilerning az digende ikkisining ayal ikenliki, yarilan'ghanlar arisida balilarningmu barliqi ilgiri sürülgen.

Xewerde bildürülishiche partlash baghdad waqti chüshtin burun sa'et 9 din 30 minut ötkende yüz bergen. Ma'arip ministirlikining bir xadimi partlashta qaza qilghan hem yarilan'ghanlar yigirmidin ashidu dep bildürgen.

Bu paji'ede yene ma'arip binasi we bir qanche mashinilar ot alghandin bashqa, partlash yüz bergen kochidiki su turbiliri yérilip, kochini su bésip ketken. Hazirgha qeder iraqta héchqandaq bir guruh yaki shexs bu partlitish weqesini öz üstige almidi. (Gülchéhre)