Iraq memliket boyiche jiddi halet élan qildi

Iraq waqitliq hökümiti, iraqtiki zorawanliq weqeliri kücheygenliki sewebidin memliket boyiche az digende 60 künlik jiddi halet yüzgüzüldighanliqini jakalidi. Biraq jiddi halet kürtlerning kontrolluqidiki shimali iraqni öz ichige almighan.

Iraq waqitliq hökümitining bayanatchisi tahir najib, jiddi haletning jinayetchiler we térrorchilar keng - kölemde adem öltürüsh we asasi eslihelerge buzghunchiliq herikiti élip bériwatqanliqi sewebidin élan qilin'ghanliqini bildürgen. Iraqtiki amérika qisimliri falujah shehiridiki qarshiliq körsitish küchlirige qarshi keng - kölemlik herbiy herket qozghash aldidi turiwatidu. Falujah amérika qisimliri teripidin pütünley qorshiwélin'ghan. Bu amérika qisimlirining 1968 - yildin kéyin élip barghan eng zor kölemdiki herbiy herikiti bolup qélishi mumkin.

Falujahdiki bezi nishanlar amérika urush ayrupilanliri teripin bombardiman qilin'ghan. Bu arida iraqtiki qarshiliq körsitish küchlirining baghdat hökümiti we iraqtiki amérika nishanlirigha qaratqan hujumi kücheydi. Yekshenbe küni iraqning gherbiydiki el - enbar ölkisi'ide bir saqchi ponkiti qarshiliq körsitish küchlirining hujumigha uchridi, hujumda 21 saqchi öltürülgen. El anbargha etrapidiki heqlaniyide 6 saqchi öltürülgen. Shenbe küni samaradiki partlashda az digende 43 adem ölgen. Közetküchiler, qarshiliq körsitish küchlirining axirqi 24 sa'et ichidiki hujumi, amérika qisimlirining falujahgha qaritilghan herbiy bésimini yenggillitish üchün, dep qarimaqta. (Erkin)