ئىراقتىكى ئامېرىكا قسملىرى فەلۇجاھ شەھىرىگە قارشى كەڭ كۆلەملىك ھۇجۇم باشلىدى


2004-11-08
Share

ئىراقتىكى ئامېرىكا قىسىملىرى دۈشەنبە كۈنى ئۇرۇش ئايروپىلانلىرى، تانكا ۋە توپلار بىلەن ئىراق قارشىلاشقۇچى كۈچلىرىنىڭ كونتروللىقىدىكى فەلۇجاھ شەھرىگە قارىتا كەڭ كۆلەملىك ھۇجۇم باشلىۋەتتى .

ئامېرىكا ھەربىي خادىملىرىنىڭ بىلدۈرۈشىچە، ئامېرىكا قىسىملىرىنىڭ بۈگۈنكى ھۇجۇمىدا ھازىرغىچە 42 جەڭچى ئۆلگەن بولۇپ، 4 چەتئەللىك جەڭچى ئەسىر ئېلىنغان . ئامېرىكا قىسىملىرى شۇنداقلا بۈگۈنكى ھۇجۇمى جەريانىدا، فەلۇجاھ شەھىرىدىكى بىر دوختۇرخانىنىڭ كونتروللىقىنى قولغا چۈشۈرگەن .

ئامېرىكا ھەربىي خادىملىرىنىڭ ئېيتىشىچە، فەلۇجاھ شەھىرىدە كۆپىنچىسى چەتئەللىكلەردىن تەشكىل تاپقان 3000 ئەتراپىدا ناھايىتى ياخشى تەربىيىلەنگەن جەڭچى بار ئىكەن .

ئىراق ۋاقىتلىق ھۆكۈمىتىنىڭ رەئىسى ئەللاۋى مۇخبىرلارغا بەرگەن باياناتىدا، فەلۇجاھنى تېررورچىلاردىن تازىلاش ئۈچۈن ئىراق قىسىملىرىغا ۋە ئىراقتىكى ئىتتىپاقداش دۆلەتلەرنىڭ ھەربىي كۈچلىرىگە فەلۇجاھقا ھۇجۇم قىلىش ئۈچۈن رۇخسەت قىلدىم دىدى .

خەۋەرلەرگە قارىغاندا، فەلۇجاھ شەھىرىدىكى قارشىلاشقۇچى كۈچلەر ئامېرىكا قىسىملىرىنىڭ خېلى ئۇزۇندىن بېرى فەلۇجاھ شەھىرىگە ھۇجۇم قىلىش ئۈچۈن تەييارلىق كۆرىۋاتقانلىقىنى بىلەتتى . ئۇلارمۇ ئۇزۇندىن ئامېرىكا قىسىملىرىنىڭ ھۇجۇمىغا قارشى شەھەردە مۇداپىئە تەدبىرلىرى ئالغان . شۇڭا فەلۇجاھتىكى ئۇرۇش ناھايىتى قاتتق ۋە قانلىق بولۇشى مۇمكىن . (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت