Iraqtiki amérika qsmliri felujah shehirige qarshi keng kölemlik hujum bashlidi


2004.11.08
Share on WhatsApp
Share on WhatsApp

Iraqtiki amérika qisimliri düshenbe küni urush ayropilanliri, tanka we toplar bilen iraq qarshilashquchi küchlirining kontrolliqidiki felujah shehrige qarita keng kölemlik hujum bashliwetti .

Amérika herbiy xadimlirining bildürüshiche, amérika qisimlirining bügünki hujumida hazirghiche 42 jengchi ölgen bolup, 4 chet'ellik jengchi esir élin'ghan . Amérika qisimliri shundaqla bügünki hujumi jeryanida, felujah shehiridiki bir doxturxanining kontrolliqini qolgha chüshürgen .

Amérika herbiy xadimlirining éytishiche, felujah shehiride köpinchisi chet'elliklerdin teshkil tapqan 3000 etrapida nahayiti yaxshi terbiyilen'gen jengchi bar iken .

Iraq waqitliq hökümitining re'isi ellawi muxbirlargha bergen bayanatida, felujahni térrorchilardin tazilash üchün iraq qisimlirigha we iraqtiki ittipaqdash döletlerning herbiy küchlirige felujahqa hujum qilish üchün ruxset qildim didi .

Xewerlerge qarighanda, felujah shehiridiki qarshilashquchi küchler amérika qisimlirining xéli uzundin béri felujah shehirige hujum qilish üchün teyyarliq köriwatqanliqini biletti . Ularmu uzundin amérika qisimlirining hujumigha qarshi sheherde mudapi'e tedbirliri alghan . Shunga felujahtiki urush nahayiti qattq we qanliq bolushi mumkin . (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.