Falujadiki amérika eskerliri shiddetlik hojumgha uchridi


2004.11.11
Share on WhatsApp
Share on WhatsApp

Iraqtiki amérika qisimlirining falujada qurghan bash shtabi qoralliq küchlerning her tereplime hojumigha uchridi. Qoralliq küchler her tereptin bash shtab binasigha qaritip oq chiqarghan.

En'giliye b b s radi'o télwéziyisining xewirige qarighanda, amérika bashchiliqidiki birleshme qoshun falujagha hojum qilip, mezkür sheherning köp qisim jaylirini igiligendin kiyin, qarshilashquchi küchler qaytidin teshkillen'gen bolishi momkin iken.

Shuning bilen bir waqitta, amérika eskerliri falujagha qaratqan hojumini dawamlashturdi. Amérika qisimliri ayrupilan we top-zembirekler bilen qarshilashquchi küchler yoshurun'ghan jaylarni bombardiman qildi. Amérikining bir yuqiri derijilik emeldari, amérika eskerlirining falujadiki töt künlük herikiti jeryanda, nechche minglighan qoralliq küchlerni yoqutup, esrge alghanliqini bildürdi. Emma yene bir qisim herbiy emeldarlar hojumda besh yüz qoralliq unsurning ölgenlikini bildürmekte.

Buningdin sirt, iraqtiki qarshilashquchi küchler yene bir qanche sheherlerde hojum bashlighan. Baghdat shehiridiki bir qaynaq bazarda mashina partlap, az digende 17 adem ölgen. Shimaldiki musul shehiridimu qoralluq küchler bir qanche saqchi ponkitigha hojum qilip, bir qisim qorallarni bulap ketken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.