ئىراق ئومومىي خەلق سايلىمى 30 - يانۋار كۈنى ئۆتكۈزىلىدۇ

ئىراق سايلام كومىتىتى سابىق سادام ھۈسەيىن ھاكىمىيىتى ئاغدۇرۇلغاندىن كېيىنكى تۈنجى قېتىملىق ئومۇمىي خەلق سايلىمىنىڭ 2005 - يىلى 1 - ئاينىڭ 30 - كۈنى ئۆتكۈزىلىدىغانلىقىنى جاكالىدى.

ئەنگىلىيە ب ب س رادىئو-تېلۋېزىيىسىنىڭ خەۋىرىگە قارىغاندا، ئىراقنىڭ ھەر قايسى جايلىرىدا سايلىغۇچىلارنى تىزىمغا ئالدۇرۇش خىزمىتى داۋاملاشماقتا. بىراق، بىر قىسىم جايلاردىكى تىزىمغا ئېلىش پونكىتلىرى زوراۋانلىق توقۇنۇشلار سەۋەبىدىن ۋاقتىنچە تاقالغان.

خەۋەردىن مەلۇم بولۇشىچە، نۆۋەتتە جەمئىي 100 دىن ئارتۇق پارتىيە بۇ قېتىمقى ئومۇمىي سايلامغا قاتنىشىشقا تىزىملاتقان.

يېقىندىن بويان ئىراقنىڭ ھەر قايسى جايلىرىدىكى زوراۋانلىق توقۇنۇشلارنىڭ ئەۋج ئېلىشى بىلەن بارغانسىرى كۆپ كىشىلەر سايلامنىڭ ئىلگىرى ۋەدە قىلىنغاندەك 1 - ئايدا ئۆتكۈزىلىشىدىن گۇمان قىلىشقا باشلىغان ئىدى. بىراق سايلام كومىتىتىنىڭ باياناتچىسى فارىد ئايارگەرچە فالۇجا ، مۇسۇل قاتارلىق جايلاردا توقۇنۇش داۋاملىشىۋاتقان بولسىمۇ، ئەمما ئومومىي سايلامنىڭ 1 - ئايدا بۇ رايۇنلاردىمۇ ئېلىپ بېرىلىدىغانلىقىنى تەكىتلىگەن.

30 - يانۋار كۈنى ئۆتكۈزىلىدىغان سايلامدا ئىراق پارلامېنتىنىڭ ۋە ھۆكۈمىتىنىڭ ئەزالىرى سايلاپ چىقىلىدۇ. (ئارزۇ)