Iraq waqitliq hökümiti saylamni kéchiktürüshni ret qildi


2004-11-28
Share

Iraq waqitliq hökümitining bayanatchisi iraqtiki sünniy musulmanliri we kurd teshkilatlirining omomiy saylamni kéchiktürüsh heqqidiki telipini ret qildi.

Sünniy musulmanliri we kurd teshkilatliri iraqta barghansiri ewj éliwatqan zorawanliq toqunushlarni közde tutup, 1 - ayning 30 - künige békitilgen tünji omomiy saylamni az dégende alte ay kéchiktürüshni telep qilghan idi.

Bir qisim teshkilatlar, nurghun iraqliqlarning zorawanliq weqelerdin qorqup, bilet tashlashqa baralmasliqidin endishe qilidighanliqini bildürgen. Biraq, iraqtiki köp sanliqni igileydighan shi'e musulmanliri bolsa buninggha qarshi chiqqan.

Iraq waqitliq hökümitimu shenbe küni bayanat élan qilip, saylamning waqtini kéchiktürüsh arqiliq téximu köp puqralarning saylamgha qatnishishini qolgha keltürgili bolidighanliqini ishenmeydighanliqini bildürgen.

Shuning bilen bir waqitta, iraqtiki öktichi küchler dawamliq türde amérika qoshunliri we iraq waqitliq hökümitige qarshi hujum qozghimaqta. Amérika herbiy emeldarlirining bildürishiche, yekshenbe küni amérikining bir mashina etriti baghdat ayrodromigha bérish yolida, bomba qachilan'ghan mashinining hojumigha uchrap, weqede az dégende ikki amérika eskiri yarilan'ghan. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet