ئىراقتا يۈز بەرگەن پارتلاشلاردا يەنە ئون كىشى ئۆلدى


2004-11-29
Share

بۈگۈن، ئىراقنىڭ پايتەختى باغدادنىڭ غەربىي رايونىغا جايلاشقان رامادى شەھرىدە يۈز بەرگەن پارتلاشتا تۆت ئىراق مىللىي ئارمىيىسىنىڭ ئەسكىرى، تۆت ئىراق پۇقراسى ۋە ئىككى ئامېرىكا ئەسكىرى ئۆلدى.

ئىراقتىكى قارشىلاشقۇچى كۈچلەرنىڭ ھۇجۇملىرىنى ئۈزلۈكسىز دۋاملاشتۇرىشى تۈپەيلىدىن، ئىراقتىكى سىياسىي پارتيىلەرنىڭ ئاساسلىق قىسمى كىلەر يىلى 30- يانۋار كۈنى ئۆتكۈزۈلۈشى پىلانلانغان سايلامنىڭ كېچىكتۈرۈلۈشىنى تەلەپ قىلغان ئىدى. لېكىن ئىراق ھۆكۈمىتى شۇنداقلا ئامېرىكا، ئىراقتىكى سىياسىي پارتىيىلەرنىڭ بۇ تەلىپىنى رەت قىلدى.

ئامېرىكا تاشقى ئىشلار مىنىستىرى كولىن پاۋېل ئىراقتىكى سايلامنىڭ كىچىكتۈرۈلۈشى ئۈچۈن ھېچقانداق بىر سەۋەپ مەۋجۇت ئەمەس دىدى.

ئىراقتا قارشلاشقۇچى كۈچلەرنىڭ ھۇجۇملىرى ئۈزلۈكسىز داۋاملىشىۋاتقان بولسىمۇ، ئەمما ئىراق باش مىنىستىرى ئەياد ئەلاۋي، فەللۇجاھ شەھرى ئامېرىكا قىسىملىرى تەرىپىدىن ئىشغال قىلىنغاندىن بىرى، ئىراقتا توقۇنۇشلارنىڭ پەسىيىۋاتقانلىقىنى ئىلگىرى سۈرمەكتە.

لېكىن، خەۋەرلەرگە قارىغاندا، گەرچە ئىراقتىكى قارشىلاشقۇچى كۈچلەر فەللۇجاھ شەھرىنى تارقتقۇزۇپ قويغان بولسىمۇ، ھۇجۇملىرىنى ئۈسلۈكسىز داۋاملاشتۇرىۋاتىدۇ. ئامېرىكا ھەربىي خادىملىرىنىڭ بىلدۈرۈشىچە، دۈشەنبە كۈنى يەنە باغدادنىڭ جەنۇبى رايونىدىكى توقۇنۇشلاردا 13 ئامېرىكا ئەسكىرى يارىلانغان. (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت