Iraqta yüz bergen partlashlarda yene on kishi öldi

2004-11-29
Élxet
Pikir
Share
Print

Bügün, iraqning paytexti baghdadning gherbiy rayonigha jaylashqan ramadi shehride yüz bergen partlashta töt iraq milliy armiyisining eskiri, töt iraq puqrasi we ikki amérika eskiri öldi.

Iraqtiki qarshilashquchi küchlerning hujumlirini üzlüksiz dwamlashturishi tüpeylidin, iraqtiki siyasiy partyilerning asasliq qismi kiler yili 30- yanwar küni ötküzülüshi pilanlan'ghan saylamning kéchiktürülüshini telep qilghan idi. Lékin iraq hökümiti shundaqla amérika, iraqtiki siyasiy partiyilerning bu telipini ret qildi.

Amérika tashqi ishlar ministiri kolin pawél iraqtiki saylamning kichiktürülüshi üchün héchqandaq bir sewep mewjut emes didi.

Iraqta qarshlashquchi küchlerning hujumliri üzlüksiz dawamlishiwatqan bolsimu, emma iraq bash ministiri eyad elawy, fellujah shehri amérika qisimliri teripidin ishghal qilin'ghandin biri, iraqta toqunushlarning pesiyiwatqanliqini ilgiri sürmekte.

Lékin, xewerlerge qarighanda, gerche iraqtiki qarshilashquchi küchler fellujah shehrini tarqtquzup qoyghan bolsimu, hujumlirini üslüksiz dawamlashturiwatidu. Amérika herbiy xadimlirining bildürüshiche, düshenbe küni yene baghdadning jenubi rayonidiki toqunushlarda 13 amérika eskiri yarilan'ghan. (Qanat)

Pikirler (0)
Share
Toluq bet