Ирақтики қалаймиқанчилиқ сәвәбидин, сайлам өткүзүш қийинға тохтиши мумкин


2004.11.30
Share on WhatsApp
Share on WhatsApp

Биринчи айниң ахири мусул вә ирақниң башқа җайлирида сайлам өткүзүлмәкчи. Бирақ, мусулда турушлуқ америка қомандани, генерал хамудун б б с радио телевизийә ширкитиниң мухбириға "һазирқи шараиттин қариғанда мусул вә шуниңдәк башқа районларда сайлам үчүн беләт ташлаш әсла мумкин әмәстәк қилиду" дегән.

У сөзидә йәнә "қаршилиқ көрсәткүчи күчләр мусулдики сақчи идарисиға һуҗум қилип, сақчи қисимлирини парчилаш билән биргә қаршилиқ көрсәткүчи күчләрни тармар қилиш стратигийисиниму еғир дәриҗидә бузди" дәп көрсәтти.

Җон юқириқи сөзләрни тәкитләш билән биргә, вәзийәтниң яхшилинип кетишигә ишәнчиси барлиқини, әгәр мусулда сайлам елип берилмиса, ирақниң башқа җайлирида сайлам елип бериш мумкинчиликиниң барлиқини оттуриға қойди.

Америкиниң ирақта турушлуқ қошунлириму, ирақта сайлам елип бериш шараитини һазирлаш үчүн, қалаймиқанчилиқ йүз бериватқан районларда қаршилиқ көрсәткүчи күчләрни тармар қилиш һәрикитини тезләтмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.