Iraqtiki qalaymiqanchiliq sewebidin, saylam ötküzüsh qiyin'gha toxtishi mumkin

2004-11-30
Élxet
Pikir
Share
Print

Birinchi ayning axiri musul we iraqning bashqa jaylirida saylam ötküzülmekchi. Biraq, musulda turushluq amérika qomandani, général xamudun b b s radi'o téléwiziye shirkitining muxbirigha "hazirqi shara'ittin qarighanda musul we shuningdek bashqa rayonlarda saylam üchün bélet tashlash esla mumkin emestek qilidu" dégen.

U sözide yene "qarshiliq körsetküchi küchler musuldiki saqchi idarisigha hujum qilip, saqchi qisimlirini parchilash bilen birge qarshiliq körsetküchi küchlerni tarmar qilish stratigiyisinimu éghir derijide buzdi" dep körsetti.

Jon yuqiriqi sözlerni tekitlesh bilen birge, weziyetning yaxshilinip kétishige ishenchisi barliqini, eger musulda saylam élip bérilmisa, iraqning bashqa jaylirida saylam élip bérish mumkinchilikining barliqini otturigha qoydi.

Amérikining iraqta turushluq qoshunlirimu, iraqta saylam élip bérish shara'itini hazirlash üchün, qalaymiqanchiliq yüz bériwatqan rayonlarda qarshiliq körsetküchi küchlerni tarmar qilish herikitini tézletmekte. (Eqide)

Pikirler (0)
Share
Toluq bet