Iraq prézidénti saylamni kéchiktürüshni ret qildi

Iraqta qarshilashquchi küchler hujumlirini üzlüksiz dawamlashturiwatidu. Yekshenbe künining özidila iraqning tikrit shehiride amérika herbiy qisimlirigha xizmet qilidighan 17 neper iraqliq öltürüldi. Qarshilashquchi küchler teripidin ötken üch kün ichide élip bérilghan hujumlarda 100 ge yiqin kishi ölgen. Öltürülgenlar arisida üch amérika eskirimu bar.

Iraqta toqunushlarning üzlüksiz dawamlishwatqanliqigha qarimay, iraqning waqitliq prézidénti ghazi elyawer iraqta 30 - yanwar küni ötküzülüshi pilanlan'ghan saylamni kéchiktürüshni ret qildi.

Ghazi elyawer düshenbe küni amérika prézidénti jorj bush bilen uchirishishining harpisida washin'gtonda n b s téléwiziyiside bergen bayanatida, 30 - yanwar küni ötküzülishi pilanlan'ghan saylamni kéchiktürüsh iraqtiki qarshilashquchi küchler üchün chong bir zeper hésablinidu. Shuning üchün, biz bu saylamning waqtida ötküzülüshi üchün birleshken döletler teshkilati shundaqla dunya jama'etchilikidin bizge yardem qilishini soraymiz dédi. Iraq prézidénti ghazi elyawer charshenbe küni washin'gtonda amérika prézidénti jurj bush bilen uchrishidu.

Amérika hökümiti saylam jeryanida bixeterlik weziyitini kücheytish üchün iraqqa qoshumche 12000 esker ewetip, iraqta mewjut eskerlirining sanini 138 mingdin 150 ming kishige yetküzüshni qarar qilghanliqini jakarlidi. (Qanat)