"Ximiyilik eli" urush jinayetchiler sot mehkimiside sotlinidu


2004.12.15
Share on WhatsApp
Share on WhatsApp

Iraq ötkünchi hökümiti, eli hasan el-mejidni öz ichige alghan sabiq iraq prézidénti sadam hüseyinning yuqiri derijilik yardemchiliri, iraq urush jinayetchiler sot mehkimisige chiqirilidighanliqini élan qildi.

Iraq dölet mudapi'e ministiri hazim el- shalan, sotning aldimizdiki hepte ichide bashlinidighanliqini élan qilghan . El ichide "ximiyichi eli" digen nam bilen tonulghan eli hasan el-mejid, sabir iraq rehbiri sadam hüseyinning taghisi shundaqla uning ishenchlik yardemchisi bolghan. Eli hasan el- mejid, 1988 - yili shimali iraqning helepche rayonidiki kürdlerning isyanini basturush herikitide, ximiyilik qorallar ishlitish bilen eyiblen'gen. Shu qétimqi weqede 5000 kürd puqrasi öltürülgen idi. Hazim el shalan, jawabkarlargha adwukatlar arqiliq özini aqlash heqqi bérilidighanliqini bildürgen.

Biraq b b s ning xewer qilishiche, adwukatlar wakaletchiliri amérika ishghaliyiti astidiki sot mehkimisining qanuniyliqini étirap qilmaydighanliqini bildürgen. Xelq'ara qanunchilar, sadam hüseyinning yardemchilirini hazirqi weziyet astida sot qilish, sotning adil höküm chiriqishqa tesir yetküzidu, dep qarighan.

Charshenbe küni merkizi gérmaniyidiki dunya Uyghur qurultiyining bayanatchisi dilshat rishit bayanat élan qilip, "étnik qirghinchiliq jinayitining jawapkarliqidin qéchip qutulush dewri axirlishiwatidu,"dep körsetti. U yene barin isyani, xoten weqesi we ghulja qirghinchiliqida namayishchilarni öltürgen emeldarlarning jawapkarliqini sürüshtürüsh dewri kélidighanliqini agahlandurdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.