Iraqning mosul shehiride chet'el puqraliri öltürüldi


2004.12.17
Share on WhatsApp
Share on WhatsApp

Jüme küni iraqning mosul shehiride qoralliq kishiler bir mashinigha hujum qilip, mashinidiki üch chet'ellikni we shopurni étip öltürdi. Küp-kündüzde yüz bergen bu weqe jeryanida hujum qilghuchilar qurbanlardin birining bishini késip tashlighan. Mosul shehiride öltürülgen chet'elliklerning qaysi döletning puqraliri ikenliki téxi inqlanmidi.

Iraqning shimaliy rayonigha, türkiye chégrisi yiqin'gha jaylashqan mosul shehiri yiqindin biri iraqtiki qarshilashquchi küchlerning qanliq hujumlirigha shahid bolmaqta.

Bu arida iraqtiki amérika herbiy xadimliri, amérika qisimlirining alte hepte burun bashlighan hujumi jeryanida fallujah shehridin qichip chiqip, hazir sheher sirtida chidirlarda yashawatqan fallujah ahalisining bir qismining öylirige qaytishigha ruxset qilidighanliqini bildürdi.

Gerche fallujah shehirining asasliq rayoni amérika qisimlirining kontrolliqida bolsimu, sheherning bezi rayonlirida toqunushlar hélimu dawamlashmaqta. Amérika qisimliri 30 yanwardin burun yeni iraqta ötküzülishi pilanlan'ghan parlamint saylimidin burun sheherni pütünley öz kontrolliqigha élishni meqset qilghan halda pa'aliyet élip biriwatidu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.