Iraqtiki bir yürüsh partlashlarda 40 tin artuq adem öldi


2004-12-19
Share

Iraqta yekshenbe küni qarshilashquchi küchler qozghighan bir yürüsh hujumlarda 40 tin artuq adem öldi.

Yerlik doxturxana xadimlirining bildürishiche, najef shehiridiki herziti imam'eli meschitining yénida dehshetlik partlash weqesi yüz bérip, az dégende 30 adem ölgen.

Shuning bilen bir künde yene, kerbala shehiridiki bir asasliq qatnash bikitining yénida yüz bergen özini öltüriwélish xaraktérliq mashina partlitish weqeside, az dégende 12 adem ölüp, 30 tin artuq adem yarilan'ghan. Melumatlargha qarighanda, ölgenlerning hemmisi puqralar iken.

Baghdat shehirining merkizide bolsa, qarshilashquchi küchler iraq saylam komitétining üch neper ezasini mashinisidin tartip chiqirip, ularni étip öltürgen.

Buningdin sirt, bir qisim radikal unsurlar, eger amérika shirketliri iraqtiki sodisini ayaqlashturup, iraqtin chiqip ketmise, mezkür shirketlerning özliri görüge éliwalghan 10 neper iraqliq xizmetchilirini öltüriwétidighanliqi heqqide tehdid salghan. Erep tilidiki bir téléwizor istansisi mezkür görüge élin'ghanlar tartilghan sin'alghu léntisini qoyghan.

Iraqtiki her xil zorawanliq heriketler omumiy saylamning yéqinlishishi bilen ewj éliwatqan bolup, analizchilar, gerche iraq hökümitining bir qisim tedbirlerni alghan bolsimu, biraq bu xil hujumlardin saqlinalmaydighanliqini bildürmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet