Iraq da'iriliri yekshenbe künidiki partlashlar sewebidin 50 kishini qolgha aldi

2004-12-20
Élxet
Pikir
Share
Print

Iraq bixeterlik xadimliri, yekshenbe küni shiye musulmanliri olturaqlashqan najéf we kerbala shehiride yüz bergen özini öltüriwélish xaraktérlik partlitish weqeliri bilen munasiwetlik dep qaralghan 50 neper gumanliq kishini qolgha alghanliqini bildürdi.

Iraqtiki shiye musulmanlirining muqeddes jayi hisablan'ghan najéf we kerbala shehiri yekshenbe küni arqa- arqidin özini öltüriwélish xaraktérlik hojumgha uchrighan. Weqelerde ölgenlerning sani iship, nöwette 66 ge yetti. Bularning ichide 52 adem najéf shehiridiki partlashta, 14 adem kerbala shehiridiki partlashta ölgen.

Iraq da'iriliri partlashlarning sünni mezhipidiki radikal unsurlarning kiler yili 1 - ayda ötküzülidighan omumiy saylamgha buzghunchiliq qilish heriketliri ikenlikini bildürmekte.

Iraqtiki shiye musulmanlirining rehbiri düshenbe küni muritlirini özini tutiwélishqa chaqirip, omomiy saylamning harpisida weziyetni jiddileshtürmeslikni telep qildi, shundaqla shiye musulmanlirini pütün küchini saylamgha merkezleshtürüshke chaqirdi. (Arzu)

Pikirler (0)
Share
Toluq bet