Ирақ сақчи идариси һуҗумға учирап, 27 адәм қаза қилди

2004-12-28
Елхәт
Пикир
Share
Принт

Бағдатниң шималидики сүнний мусулманлири җайлашқан тикрит шәһириниң җәнубиға җайлашқан сақчи идариси, 29 - декабир күни қораллиқ қисимларниң һуҗумиға учрап, 27 адәмниң өлүмини кәлтүрүп чиқарди.

Әнгилийә б б с радио телевизийә ширкитиниң хәвиригә қариғанда, бу қетимқи һуҗум тәшкиллик елип берилған болуп, сақчи идарисиниң 12 нәпәр сақчиси өлтүрүлгән вә буниңдин башқа сақчи идарисиға йеқин сақчи понкитиниң 5 нәпәр сақчиси өлтүрүлгән.

Бу арида, ирақниң самара шәһиридики сақчи идарисиму охшашла қораллиқ қисимларниң һуҗумиға учрап, 4 нәпәр сақчи вә хәлқ қоғдиғучи әтритиниң 4 нәпәр әзаси шуниңдәк үч нәпәр пуқра өлтүрүлгән, бирақ һуҗумчилар асаслиқ өлтүрүш нишани қилған генерал мура сақ қалған.

Ирақниң ички вәзийити йәнила интайин қалаймиқан болуп, ирақта пат арида елип берилмақчи болған сайламниң тенч өткүзүлүши кишиләрни әндишләндүрмәктә. (Әқидә)

Пикирләр (0)
Share
Толуқ бәт