Amérika armiyisi musulda iraq pida'iyliri bilen qattiq toqunushti
2004.12.30
Amérika armiyisi iraq qarshiliq körsitish küchliri bilen musul shehiride qattiq toqunushti. Amérika da'iriliri toqunushta 25 neper qoralliq pida'iyni étip öltürgenlikini , amérika tereptin bolsa, bir ademning ölüp, 15 ademning yarilan'ghanliqini bildürdi.
En'giliye b b s radi'o - télwéziyisining xewirige qarighanda, iraqtiki qarshiliq körsetküchi küchler charshenbe küni musuldiki amérika armiye bazisini partlatqan hemde neq meydan'gha yétip kelgen amérika eskerlirige oq chiqarghan. Buning bilen ikki terep qattiq toqunushqan. Amérika armiyisi arqidin ayrupilanlarni yardemge chaqirip, hawa boshluqidin qarshiliq körsetküchi küchlerni bombardiman qilghan.
Buning aldida, baghdatning gherbidiki a'ililikler rayunidimu chong partlash weqesi yüz bérip, 29 adem ölgen idi. Nöwette iraqtiki zorawanliq toqunushlarning ewj élishi bilen kishiler, iraqta kiler yili 1 - ayning axiri ötküzülmekchi bolghan omomiy saylamning waqtida ötküzilishige guman bilen qarimaqta. Iraqtiki bir qisim qarshilashquchi teshkilatlar'iraq xelqini agahlandurup, eger kimki omomiy saylamgha qatnashsa, uni öltüriwétidighanliqi heqqide tehdid salghan. Iraq waqitliq hökümiti bolsa,iraqtiki zorawanliq toqunushlar sewebidin saylamni kichktürmeydighanliqini bildürmekte. (Arzu)
Munasiwetlik maqalilar
- Iraq saqchi idarisi hujumgha uchirap, 27 adem qaza qildi
- Donald ramsfild iraqni ziyaret qildi
- Iraq da'iriliri yekshenbe künidiki partlashlar sewebidin 50 kishini qolgha aldi
- Iraqtiki bir yürüsh partlashlarda 40 tin artuq adem öldi
- Iraqning mosul shehiride chet'el puqraliri öltürüldi
- "Ximiyilik eli" urush jinayetchiler sot mehkimiside sotlinidu
- Baghdattiki partlashta 13 kishi qaza qildi