Iraqtiki özini öltüriwélish xaraktérliq partlashta 19 adem öldi

Yekshenbe küni baghdatning shimaliy qismida yüz bergen özini öltüriwélish xaraktérliq partlash weqeside az digende 19 adem öldi. Weqe, ichige liq bomba qachilan'ghan kichik aptomobilning iraq amanliq qoghdash etritining eskerlirini élip mangghan mashinining yénida partlishidin kélip chiqqan. En'giliye b b s radi'o- télwéziyisining xewirige qarighanda, partlashta ölgenlerning köpinchisi iraq amanliq qoghdash etritining eskerliri iken.

Iraq hökümiti, iraqtiki qarshiliq körsetküchi teshkilatlarning amérika eskerlirinila emes, barghansiri iraq amanliq qoghdash etritining eskerliri we iraq saqchilirini hojum nishani qiliwatqanliqini bildürdi.

Buning aldidila, iraqtiki bir qarshiliq körsetküchi teshkilat, görüge élin'ghan besh neper iraq amanliq qoghdash eskirini kochida sazayi qilip étip öltürülgenliki tartilghan sin'alghu léntisini tarqatqan idi. Analizchilar, qarshiliq körsetküchi küchlerning bu hojumlirining iraq puqralirini qurqutup, ularning hökümetning qoralliq sépigha qatnishishining aldini élishni meqset qilidighanliqini körsetmekte.(Arzu)